السلام عليكم ورحمه الله وبركاته
اليوم ياجماعه هاتكلم عن موضوع مهم جدا يهم كل المصريين اللى بيعملوا فى التسويق او فى اى مجال ربحى على الانترنت وبيكون وسيله الدفع الوحيده ليهم هى الشيكات
اغلب الشباب المصري بجد بيعانى فى حاله وصله شيك من الخارج بالدولار ومحتاج يصرفه
وانا واحد من اكتر الناس اللى عانوا فعلا من الامر ده
وللاسف عملت بحث كتير علشان اشوف حد بيتكلم عن الموضوع ده واغلب اللى لقيته مش بيشرحه بالتفصيل اللى هاشرحهلكوا ده ان شاء الله
وطبعا اغلبهم ماعندوش مشاكل فى كيفيه التحصيل لانهم اصلا يقدروا يفتحوا حساب جارى بالدولار
وطبعا الكل لازم يعرف المعلومه المهمه دي بجد
مافيش بنك هايصرفلك اى شيك الا لما تفتح حساب عنده ومش اى حساب طبعا
لازم يكون حساب جارى وبالدولار
وطبعا ده تكلفته بتكون عاليه وخصوصا فى ظل هذه الظروف
وانا هاضربلكم امثله لااهم البنوك فى مصر اللى روحتلهم وعانيت معاهم
اولا
مثلا اسهل بنك فى التعامل وسريع جدا على حسب معلوماتى هو بنك cib وده علشان تحصل عليه وتفتح فيه حساب جارى لازم يكون معاك تقريبا 5الاف دولار
البنك التالى وهو ايضا سهل وسريع وممكن يكون ارخص بنك فيهم تقريبا
هو بنك كريدي ايجريكول
الحساب بيتفتح بالف دولار
والبنك الاخير اللى هاتكلم عنه النهارده هو بنك nsgb وطبعا البنك ده طلع افضلهم مرونه فى التعامل واى حد يقدر يفتح فيه حساب جارى تكلفته 2500دولار
بس الجميل فى بنك nsgbانك تقدر تفتح فيه حساب توفير بالدولار ويقبل انه يحصلك الشيكات على حسابك التوفير
وده بيكلفك الف دولار فقط
فى معلومه تانيه مهمه جدا جدا جدا
كل البنوك للاسف مش بتفتحلك اصلا حساب جارى الا بشروط
اهم شروطهم ان البطاقه بتاعتك يكون مكتوب فيها انك حاصل على مؤهل او انك صاحب عمل وطبعا معاك سجل تجارى وطبعا انا مش شايف اى مبرر للتعامل بالشكل ده اصلا وخصوصا فى مصر لاننا كلنا عارفين كويس جدا الظروف اللى مرت بيها مصر فى خلال ال 60 سنه اللى فاتوا
المهم بنك واحد بس اللى فيه مرونه فى التعامل بجد وانا عن نفسي حبيته وطبعا فتحت فيه حساب وطلبت احصل عليه اول شيكين استلمتهم من كليك بانك
لان اول شيك وصلنى كان بتاريخ 11_4_2012 وطول الفتره دي وانا باالف ومش عارف احصله من اى بنك لان المبالغ اللى طالبينها طبعا خرافيه بالنسبالى
والشيك بجيلك بيكون عندك 90 يوم تقدر تصرف الشيك فى خلال هذه الفتره
والشهر التالى جيه ووصلنى تانى شيك فاضطريت انزل الف تانى واعمل محاولات عديده بعد طبعا ماجهزت الف دولار روحت بنك nsgb وبصراحه من افضل البنوك اللى روحتها وسهوله فى التعامل بجد
وخلصت الاجراءات فى اقل من نص ساعه والجميل انه مش مهم تكون موظف او مؤهل او عندك سجل تجارى زي باقي البنوك بصراحه البنك ده فى منتهى الجمال وطلبت تحصيل الشيكات وتم المطلوب وطبعا الشيك بياخد فتره من عشر ايام لشهر علشان يتحصل
المعلومات دي بجد مش لاقيت حد بيشرحها بالتفصيل للاسف
وانا حبيت انى اشرحها علشان كل الشباب اللى قرر يعمل فى مجال التسويق يكون عارف الخطوات من دلوقتى ويحاول يجهز نفسه قبل مايوصله اول شيك
ومش يواجهكم المشاكل اللى واجهتنى وحجم المعاناه تخيل كل بنك تروحه تاخد رقم وتفضل منتظر فتره كبيره وفى الاخر يسدوا نفسك ويرفضوا يفتحولك حساب لاحد الاسباب اللى زكرتها
واى حد عنده اى استفسار انا تحت امره فى اى وقت
وباتمنالكم يارب التوفيق وتحقيق ارباح خياليه علشان نثبت لبلدنا دي اننا مش محتاجين منهم اى حاجه غير انهم ييسرولنا الامور شويه ويبطلوا يعاملونا على اننا عبيد او مجرمين وبجد كل السياسات المصرفيه فى مصر عاوزه تتغير تماما والا هانفضل طول عمرنا متخلفين للاسف
فى امريكا الكلب بيفتحولوا حساب وبيطلعوا ليه فيزا كارت
فى مصر باتمنى يعاملونا معامله الكلاب هههههههههههه فى امريكا
سامحونى طبعا على انفعالي بس ربنا مايوريكم حجم المعاناه مع سياساتهم الغبيه
السلام عليكم محمد انا قريت المدونه كويس بس كنت عايز اعرف حتفتح امتى عشانعندىاسئلة كتيرة اوكى
ردحذفالسلام عليكم ورحمه الله وبركاته
ردحذفانا موجود حاليا اخى الفاضل
وتحت امرك فى اى استفسار
متميز دائما في موضوعاتك اخ محمد بس الفتره المقبله ان شاء الله تكون افضل في مصر في السياسات كلها
ردحذفاولا باشكرك على ردك الجميل ده ياميدو
حذفوانا والله باتمنى ان الفتره القادمه يكون فى تغييرات فى سياسات كتير جدا ومن اهمها من وجهه نظرى السياسات المصرفيه علشان الشباب اللى مش بيشتكي من البطاله ومش بيطالب الدوله بتعيين لانه وجد طريقه عبر الانترنت فياريت بجد يساعدونا لاسباب كتير اهمها اننا مش هانشيل الدوله همومنا وهانبحث عن عمل مناسب لينا بمجهوداتنا الشخصيه
وثانيا لاننا هاندخل للبلد عمله صعبه بعملنا عبر الانترنت والله بجد نفسي اقعد مع مسؤليين لانى عندي افكار كتير رائعه فى هذا المجال واتمنى اى مؤسسه فى الدوله تتبنى افكارى
واخيرا باتمنالك التوفيق ياميدو ولكل اعضاء وزوار مدونتى الكرام والغاليين جدا على
الف شكر على مساعدتك لكل المهتمين بالموضوع
ردحذفبسي ياريت تذكر لنا كم مصاريف تتحصيل الشيك لانىسمعت انه لو شيك ب 100 دولار بتدفع 15-2- دولار و دى نسبة عالية قوى
وهل استلمت من امازون شيكات لانى ناوية اعمل موقع واكون افيليت لاامازون
تصحيح بس اقصد 15-20 دولار يعنى نسبة بجد كبيرة
ردحذفوسوال كمان انا طلبت قبل كده كود من موقع اجنبى مونى بوكرز اكيد تعرفه ما وصلنى و الكل بيشتكى من البريد ازاى اضمن الشيك يجيلى لانه بيجى بالبريد ؟
جزاك الله خيرا
السلام عليكم ورحمه الله بركاته
حذفاولا نورتى المدونه اختى العزيزة
النسبه اللى حضرتك بتقولى عليها دي مش صحيحه النسبه هى لا تزيد عن 5% خمسه فى الميه
وكمان علشان تضمنى الشيك يوصلك اهم حاجه تكتبي العنوان مظبوط ومش تنسي اهم حاجه وهو الرمز البريدي بتاع منطقتك
ولو فى مصر مش تقلقي انا عنوانى صعب جدا وملعبك ووصلنى من بنك مونى بوكرز اول جواب فى حياتى من خلال الانترنت
وكان كود التفعيل فعلا
وبعدها اتاكدت انى فعلا كاتب عنوانى صح بالانجلش
ومن يومها مافيش اى جواب مش وصلنى الحمد لله سواء من بنك بايزا لانى طلبت الفيزا بتاعتهم واخدتها مرتين وكمان وصلنى شيكين من كليك بانك على العنوان مظبوكط وصرفتهم
دلوقتى بقي هاطمنك
كليك بانك لو الشيك مش وصلك بيرجع وتقدرى تطلبي شيك تانى
وبعد مباتصرفي شيكين بيفتحلك خيار تانى وهو طلب السحب على اى بنك ارضي ليكي بس للاسف بيقبل فقط 9 دول هى امريكا والمانيا ومش فاكر الباقي بصراحه دلوقتى بس تقدرى تدخلى تقراى فى الموضوع على كليك بانك فى الاسئله والاجوبه
وان شاء الله الجواب بيوصل فى خلال اسبوعين بالظبط من يوم مابيظهرلك انه تم الدفع
باتمنالك التوفيق ولو فى اى استفسار اخر انا تحت امرك فى اى وقت ان شاء الله
انا مشترك في هذا البنك لكن حسابي حساب الشباب بالجنية المصري هل ممكن اصرف شيكات من غير ما يكون عندي حساب بالدولار ؟
ردحذفاخى من تجربه شخصيه عن نفسي لم استطع ان احصل الشيك الا على حساب جارى بالدولار فى جميع البنوك الابنك
حذفNSGB
الوحيد اللى وافق يحصلي الشيك على حساب توفير بالدولار وحساب التوفير بالدولار بتفتحه بايداع 1000 دولار فقط فى هذا البنك
واى استفسار انا تحت امرك فى اى وقت ان شاء الله
لو اداره البنك قالتلك كده فعلا يبقي اكيد صحيح
ردحذفبس لازم تتاكد الاول
لان انا شخصيا كان عندي حساب جاري مصري البنك لما جيبتلهم الشيك علشان اصرفه قالولى لازم تفتح حساب جاري بالدولار
فكلمت مدير الفرع وافق انى افتح حساب توفير بالدولار واقدر استلم عليه الشيكات عادي
بعد ماتاكدت منه ان التوفير هايحصلي عليه شيكات بالدولار فتحته فورا واديتهم الشيك يحصلوه
وفعلا الشيك اتحصل بعد شهر ونص تقريبا
اى استفسار اخر انا تحت امرك اخى ان شاء الله
أرجو معرفة كيف احصل شيك وصلنى من امازون يعنى اى بنك لو ليك حساب دولار يقدروا يحصلولك الشيك؟
ردحذفسؤال تانى معلش هو شيكات امازون ممكن تتحصل من الامارات مثلالانى حاليا بره مصر و الشيك وصل مصر فلو بعتهولى ممكن احصله من هنا ولا لا ؟
شكرا تانى على المدونة المفيدة دى و اتفق معك تماما فى موضوع السياسات المصرفية دى
السلام عليكم ورحمه الله وبركاته
ردحذفاخى العزيز تحصيل شيكات امازون مثلها مثل كليك بانك تماما
والكلام ده بينطبق على اى شيك دولى
اما بخصوص انك تحصله من الامارات وهو مرسل اليك على مصر بصراحه الله اعلم لانها عمرها ماحصلت معايا للاسف
بس هاقولك تتصرف ازاى قبل ماتخلى اهلك يرسلوا ليك الشيك
هاتتصل بخدمه العملاء للبنك اللى بتتعامل معاه فى الامارات وتقولهم الموضوع انك معاك شيك وصلك على عنوانك فى مصر ينفع اصرفه من عندكم وشوف الرد
وعلى ماعتقد الامر عادي بس من قال لا اعلم فقد افتى
واى استفسار اخر انا تحت امرك ان شاء الله
وياريت لما تصرف الشيك تقول هنا ايه اللى حصل معاك علشان اصحاب نفس مشكلتك يستفيدوا من تجربتك ولك جزيل الشكر اخى الكريم
السلام عليكم
ردحذفعلى اي عنوان وصلك الشيك
أخى الكريم
ردحذفوصلنى شيك من كليك بانك على بنك ويلز فارجو و طبعا بحثت عن فرع للبنك فى مصر و لم أجد ياترى هناك حل غير موضوع الألف دولار أرجو الرد
البنك الاهلي المصري فتح حساب بل دولار حد ادني 200 دولار علي فكرة
ردحذف.
على عنوانى فى مصر اخى
ردحذفاخى بنك ويلز فارجو ده البنك الامريكي اللى كليك بانك بعتلك الشيك منه على ماعتقد انت مش ليك علاقه بالبنك ده انت بتفتح حساب بنكي هنا فى مصر بالدولار فى اى بنك تحبه وتديهم الشيك يحصلوه على حسابك من اى مكان فى العالم لاتقلق ولو انت عاوز طريقه اسهل من كده تستلم بيها ارباحك من كليك بانك او امازون او كليك شور ادخل طبق الخطوات اللى فى الموضوع ده http://www.abusinesscash.com/2013/06/blog-post_8738.html
ردحذفده خبر كويس اخى وكان فيه بنك مصر بيفتحلك حساب البدولار فقط ب300$ وبنك القاهره بيفتحلك السحاب الجارى بحوالى 1000 جنيه مصري بس انا مش بحب التعامل مع البنك الحكوميه للاسف اخي سياساتهم اغبي بكتير من البنوك الاخرى
ردحذف